III Concurso de oratoria

III Concurso de oratoria organizado polo Departamento de Lingua e Literatura española.

Este ano animáronse alumnos e alumnas de 2º, 3º e 4º ESO, presentaron as súas exposicións, de duración entre 3 e 5 minutos, que versaban sobre os temas propostos na convocatoria. Recordamos que había dúas categorías e dous temas a elixir en cada unha delas:

A: a) La DANA en Valencia: ¿consecuencia del cambio climático?

     b) El papel de los migrantes en el futuro de Europa.

B: a) La respuesta de la comunidad internacional al conflicto de Gaza.

    b) El papel del consentimiento en las relaciones afectivo-sexuales. (todos elixiron este tema nesta categoría).

O xurado estaba composto polos dous docentes de Lingua española e por dúas alumnas de 1º Bacharelato.

Os nosos parabéns a todos os participantes e o agradecemento aos membros do xurado.

En hora boa aos dous gañadores:

Na categoría A, Daniel Otero Gallego e na categoría B, Clara Paz Méndez.

 

Charla "Atranco nun banco" Núñez Singala

Manuel Núñez Singala mantivo un encontro co alumnado de 1º de ESO con motivo da lectura do seu libro “Atranco nun banco”. Na sesión participaron os dous grupos.

Charla Núéz Singala sobre prexuízos lingüísticos

Onte o alumnado de 1° e 2º de Bacharelato participou nunha charla sobre os prexuízos en xeral e os prexuízos lingüísticos en particular impartida por Manuel Núñez Singala.

Entrega de premios do concurso-cuestionario sobre o entroido

 

Agradecemos a todos os participantes o interese amosado pola actividade e facémoslles entrega duns vales para a cafetería do instituto canxeables por unha merenda. 

 

Día internacional da muller

Con motivo do día internacional da muller, 8 de marzo, o alumnado de Educación plástica de 4º ESO elaborou un cartel conmemorativo desta data e recolleu nun conxunto de caligramas unhas mensaxes relacionadas con esta temática.

Expoñemos todo no taboleiro da entrada acompañado dunha selección de libros que tratan sobre feminismo ou sobre mulleres destacadas en distintos eidos.

 

Charla Plan Director: Delitos de Odio

O mes pasado Héctor Méndez Fernández, Garda Civil da Comandancia de Lugo e un dos responsables do Plan Director, achegouse ao centro para impartir unha charla sobre delitos de odio ao alumnado de 3° e 4° de ESO. Esta charla céntrase en fomentar accións de sensibilización e formación dirixidas a concienciar os rapaces e rapazas sobre o respecto á dignidade, igualdade e non discriminación e promover a denuncia destes actos. 

Charla formativa do Centro Superior de Hostelería de Galicia

O alumnado de 1° de BAC participou nunha charla formativa que impartiron desde o Centro Superior de Hostelería.

 

Día de Rosalía 2025. Recital de poesía.

Con motivo da conmemoración do día de Rosalía o 23 de febreiro, o alumnado de Lingua e Literatura galega de 2º ESO preparou a lectura dunha serie de poemas da autora para despois seren recitados na biblioteca. Con este tipo de actividades, ademáis de promover o gusto pola lectura e o coñecemento da producción literaria da autora, intentamos que os estudantes se habitúen a dirixirse ao público, que gañen confianza en sí mesmos e que sexan capacer de ler en voz alta utilizando unha entoación e dicción correctas.