BIBLIOTECA IES MARQUÉS DE SARGADELOS.
Mostrando entradas con la etiqueta FORMACIÓN E INFORMACIÓN. Mostrar todas las entradas
Mostrando entradas con la etiqueta FORMACIÓN E INFORMACIÓN. Mostrar todas las entradas
22/1/17
18/1/17
5/12/16
III SEMANA ESCOLAR DA PROVINCIA DE LUGO E DA SÚA DEPUTACIÓN.
III Semana Escolar da Provincia e
a súa Deputación. Colaboramos nesta proposta da Dep. Provincial de Lugo, unha
iniciativa posta en marcha no ano 2013 coincidindo
co aniversario da creación das provincias modernas e da Deputación de Lugo o 30
novembro de 1833 . Divulgamos o
patrimonio natural da provincia de Lugo. Traballamos nas aulas os contidos
deste libro, difundímolo entre toda a comunidade educativa repartindo
exemplares e catalogámolo na biblioteca do centro quedando a disposición dos
usuarios.
6/10/16
27/11/15
10/11/15
NOVOS LIBROS QUE ESTÁN A CHEGAR E QUE VOS ACONSELLAMOS.
UN LIBRO INTERESANTE PARA QUE OS MÁIS NOVOS COÑEZAN O UNIVERSO E A DIMENSIÓN DAS COUSAS.
19/9/15
14/9/15
31/8/15
Un recurso
necesario.
A Historia da literatura infantil
e xuvenil galega era
algo que se botaba de menos, especialmente a estas alturas cando esta
literatura xa pode ir falando de canon, de clásicos escritos orixinariamente no
noso idioma e dos que veñen de fóra pero son verquidos á nosa lingua para ir
creando ese sistema literario de noso. A literatura actual ten referencias do
pasado, bebe das fontes, de aí que sexa tan necesario recoller a liña do tempo
e os produtos que foi dando.
Esta é tamén unha
maneira de demostrar o moito que ten avanzado, en moi pouco tempo.
Neste caso, e
seguindo unha colección de ensaios que ata a actualidade xiraba arredor de
temáticas argumentais e xéneros, a profesora Blanca Ana Roig co seu grupo de colaboradoras,
preséntanos este estudo.
Un estudo amplo que
leva aparelladas as dificultades que moitos deles teñen. Cando moito citamos,
podemos botar de menos algunhas referencias de gran importancia no estudo desta
literatura. Incluso nos pode resultar excesiva a bibliografía no que se refire
ás participantes neste libro e facerse moi visible o silencio doutras fontes.
Non imos a analizar as razóns desa invisibilidade, pero debemos telas en conta
á hora de seguir a estudar a nosa literatura infantil e xuvenil.
O dito, un recurso
a ter en conta para non esquecer o que hai, para valorar o canon e para ir
analizando as novidades, na proporción debida. Un
estudo necesario, a investigación universitaria buscando sistematizar esta
produción.Partindo da organización temporal e seguindo as
metodoloxías que ás investigadoras lle semellan máis axeitadas ao sistema literario
galego.
--
Publicado por Asesoría Bibliotecas Escolares para Rede Lectura el 8/15/2015 11:30:00 a. m.
14/7/15
LIBROS CENSURADOS.
Kalandraka informa da censura dun dos
seus libros:
“Orellas de bolboreta”,
con texto de Luisa Aguilar e
ilustracións de André Neves(publicado
pola editora pontevedresa en galego, castelán, catalán, éuskaro, portugués,
inglés e italiano) é uno dos 49 títulos que o novo alcalde de Venecia, Luigi
Brugnaro, retirou das garderías e das escolas municipais de Educación Infantil
por estar incluído no programa “Ler sen estereotipos”, desenvolvido polo
anterior goberno local.
Trátase dunha das obras máis demandadas, recomendadas e eloxiadas do catálogo de Kaladraka, seleccionada polo Plan Nacional de Lectura en Portugal e finalista en Italia do Premio Nacional Cittá di Bella".
Este álbum forma parte dun programa de lectura titulado “Ler sen estereotipos”, que reúne 49 títulos entre os que se atopan destacados clásicos da literatura infantil e xuvenil, como Pequeno Azul e Pequeno Amarelo, de Leo Lionni e Imos cazar un oso, de Michael Rosen e Helen Oxenbury .
--
Publicado por Asesoría Bibliotecas Escolares para Rede Lectura el 7/13/2015 07:42:00 a. m.
Volver aos cómics clásicos, ás series que fan lectores.
Bandas deseñadas para rir e rir e rir
e... volver a rir. E rindo recuperamos as referencias dun mundo que sigue
vivo.
Con Goscinny e Uderzo, en galego, de
novo... porque están tolos estes romanos e nós somos irredutibles. Beberemos a
poción máxica para meternos a gladiadores ¡pobres dos adestradores e donos de
escravos! ¡pobres dos godos que un día se atreveron co nosos druída! ¡pobres
dos que non estean dispostos a respectar a aldea gala!
Secuestro tras secuestro, Obélix e
Astérix recuperan o que é seu, sexa druída ou bardo... que aínda que resulte
molesto ha de volver a onde o aprecian porque é compañeiro.
--
Publicado por Asesoría Bibliotecas Escolares para Rede Lectura el 7/14/2015 08:59:00 a. m.
8/7/15
Traca-Traco. 24 cantigas de nanar, un aloumiño e un arrolo.
Deliciosa achega poética de Paco Rivas, escritor natural da Mariña lucense.
Libro ideal para pais e nais que queiran aprender sinxelas pero preciosas
cantigas para arrolar aos seus pequenos/as; e tamén para docentes da
área de música de educación primaria e secundaria, pois achega información
para a utilización de instrumentos de orquestra Orff, de Seso
Durán.
Interveñen no disco que acompaña ao libro voces como: Maruxa, Tereixa e
Carmen (Fuxan os ventos), Antón Castro (Fuxan os ventos e Tundal); Miro
Casabella, Najla Shami, Lydia Botana; Ángela
Castro, Montse Ogando, Víctor A. Castro (Tambo).
Prólogo de Alonso Montero, presidente da RAG. Ilustracións de Alfonso
Otero Regal.
CONTIDO:
— CD audio: 24 cantigas de nanar, un aloumiño e un arrolo
— Pista de datos: Karaokes
Partituras do disco: Arranxos Orff con opción de ver a partichela de cada
instrumento co seu son MIDI
Outras versións con karaoke
Aplicación lectora de partituras
Partituras das melodías orixinais en dúas tonalidades
O xardín de Irene,
é un libro poesía para primeiros lectores. Di o autor que a este público polo
que sinte especial predilección hai que darlles palabras en idioma galego desde
o berce, co obxectivo de que ao medrar sigan querendo ler na lingua de Galicia.
Darlles versos, achegarlles un ritmo que os engancha. As ilustracións son de Leandro Lamas, un creador moi próximo á
infancia. Edición de editorial ferrolá Embora.
Cantos de sol a sol é un libro-CD,
con ilustracións de Xosé Vizoso y musicado por Xosé Lueiro. Aquí as
poesías son musicadas e as ilustracións enchen as páxinas para acompañar as
cancións.
Tamén ilustrado por Xosé Vizoso está o
libro Aquel neno que
consta de pequenos relatos do autor de Gres.
Todos eles, dirixidos á infancia. Todos
eles escritos nos últimos anos con toda a enerxía creadora do autor das Memorias dun neno labrego. Neira Vilas continúa a producir os textos
necesarios.
--
Publicado por Asesoría Bibliotecas Escolares para Rede Lectura el 7/08/2015 11:27:00 a. m.
3/7/15
Acuario 2, con versos de María Canosaacompañada das
impresionantes imaxes de Dani Padrón. Publicado por Embora. É a continuación daquel Acuario que xa xiraba arredor da temática do mar. Del escribe ramón
Nicolás en Caderno da crítica: (...)
"Cómpre non
esquecer, asemade, ese valor tan precioso que asume con naturalidade como é o
de ofrecer a fixación acaída dos termos clave sobre os que xira cada un dos
poemas. Velaí como a balea, o xurelo, o tiburón, os chocos, o
sanmartiño, o longueirón ou a anguía, entre outros, se deseñan con algúns dos
seus trazos característicos, potenciando a familiaridade do seu coñecemento a
través de certas personificacións, permitindo así convertelos en seres
próximos, cheos de vida e atractivo para calquera lectora ou lector, sospeito
que aínda máis para os que comezan a aventura da lectura".
A flol da celdeira,
un conto chinés, de Xosé Quintas Canella e
ilustrado porÁnxeles Ferrer en
Everest Galicia, na colección Ler é vivir. Del escribe Brabátegos: "
"Xosé Quintas Canella artella un interesante e orixinal relato sobre unha rapariga estigmatizada desde nena por ser diferente. Rosiña, a flol da Celdeira, unha cativa que non sabe pronunciar o ele na China imperial, rebuldeira e alegre, que vai sufrir rexeitamento e marxinación por ser diferente, pero que amosa coraxe e resistencia, afouteza no pensamento, determinación. Polo camiño dese soñar, desa diversificación que se produce nun país tan afastado, conflúen personaxes como o xeneral Inshub Misho ou Lham Bhe, historias que maxicamente nos transladan e conforman pontes entre dúas culturas, a galega e a chinesa e que nos levan a reflexionar sobre identidade, idioma e beleza"
"Xosé Quintas Canella artella un interesante e orixinal relato sobre unha rapariga estigmatizada desde nena por ser diferente. Rosiña, a flol da Celdeira, unha cativa que non sabe pronunciar o ele na China imperial, rebuldeira e alegre, que vai sufrir rexeitamento e marxinación por ser diferente, pero que amosa coraxe e resistencia, afouteza no pensamento, determinación. Polo camiño dese soñar, desa diversificación que se produce nun país tan afastado, conflúen personaxes como o xeneral Inshub Misho ou Lham Bhe, historias que maxicamente nos transladan e conforman pontes entre dúas culturas, a galega e a chinesa e que nos levan a reflexionar sobre identidade, idioma e beleza"
Sanatoria, historia dos nenos raros de Francesc Grimalt, un sorprendente álbum, que según a presentación editorial... "é enxeñaría da ilustración, unha espectacular concepción do álbum ilustrado para un público xa lector e con múltiples lecturas dependendo da imaxinación de cada quen. É un libro para nenos grandes". Publicado por Baía.
Publicado por
Asesoría Bibliotecas Escolares para Rede Lectura el 7/02/2015 08:35:00 a. m.
Suscribirse a:
Entradas (Atom)