GPA: Galego Para Adolescentes

Mentras se celebraba o magosto para o alumnado de 1º da ESO na tarde do luns 2 de novembro, os seus compañeiros e compañeiras de 2º e 3º da ESO gozaron de sendos monólogos do programa G.P.A. (Galego Para Adolescentes), protagonizados polo actor e contacontos Avelino González. A actividade foi organizada polo EDLG.

A través do humor, da narración e da interacción co público, Avelino González achegou o galego á realidade cotiá da mocidade, nunha proposta pensada para fomentar o uso da nosa lingua entre os adolescentes e mostrar que o galego tamén é unha lingua para rir, comunicarse, crear e gozar.

Unha xornada de outono, na que tradición, diversión e lingua galega se deron a man para celebrar a nosa cultura no instituto.

SAMAÍN NA BIBLIOTECA

 Chega o Samaín á nosa biblioteca

Hai historias que dan arrepíos… e outras que non poderás deixar de ler!

Desde a equipa de Biblioteca preparáronnos unha selección de libros de terror en galego, castelán, inglés e francés para que este Samaín te atrevas a descubrir novas historias.

Anímate a escoller o teu libro e deixa que o medo se apodere das páxinas.

E ti, atréveste a ler ou tes medo ata dos libros?

Día das bibliotecas: 24 outubro 2026

A Dirección Xeral do Libro, do Cómic e da Lectura, impulsa a celebración do Día das Bibliotecas este 24 de outubro de 2026.

O lema deste ano, “Sen profesionais non hai bibliotecas”, quere poñer no centro ás persoas que fan posible que as bibliotecas sexan moito máis que un simple conxunto de recursos, andeis e espazos.

 
Nos unímonos a visibilizar a quen desempeña esta tarefa no nosa biblioteca e noutras para garantindo o acceso á cultura, e facen das bibliotecas espazos abertos, inclusivos e acce
sibles para todos.

 

 

 

 

 

Benvida ao alumnado de 1º ESO na nosa biblioteca

O equipo da biblioteca do IES Marqués de Sargadelos recibiu o alumnado de 1º da ESO para darlle a coñecer este espazo tan especial do noso instituto.

Durante a visita, explicámoslles como funciona a biblioteca, que normas deben seguir para facer un bo uso dela e que fondos poden atopar nas súas estanterías: novelas, contos, banda deseñada, libros de consulta e moitos outros materiais cos que aprender, descubrir e gozar da lectura.

Ademais, amosámoslles como realizar os préstamos dos libros, para que poidan levar as súas lecturas favoritas á casa e compartilas tamén en familia.

Agardamos que esta primeira toma de contacto esperte a súa curiosidade e os anime a converter a biblioteca nun lugar de encontro, aprendizaxe e aventura a través dos libros.

Benvidos e benvidas á biblioteca!

Porque cada libro é unha porta aberta a un mundo novo. ¡Animádevos a descubrilo!

Charla Corresponsables 4º ESO

Obradoiro «Repensar a masculinidade na adolescencia: identidade, presión social e modelos funcionais»

O alumnado de 4º ESO participou nun obradoiro na hora de titoría centrado na análise crítica da construción social da masculinidade durante a adolescencia.

A actividade afondou nas consecuencias dos modelos ríxidos de masculinidade, abordando a influencia da presión social, do grupo de iguais, das redes sociais e da cultura audiovisual na configuración da identidade e das relacións.

A través de dinámicas participativas, situacións próximas á realidade do alumnado e espazos de reflexión, traballáronse aspectos como a expresión e regulación emocional, a empatía, o autocoñecemento e a corresponsabilidade.

O obradoiro desenvolveuse desde unha perspectiva preventiva, non confrontativa e integradora, coa finalidade de favorecer unha visión máis flexible e funcional da masculinidade e promover relacións máis igualitarias, respectuosas e saudables no contexto escolar.

Actividade organizada polo Concello de Cervo, dentro do programa Corresponsables.

Día das escritoras 2026

 

 

  13 de outubro: Día das escritoras  

 

Neste ano 2026 celebramos o centenario da fundación do Lyceum Club Feminino, por iso, e a modo de homenaxe, os textos seleccionados son obra de socias do Lyceum Club, ese espazo propio que, case 15 anos antes que Virginia Woolf xa reivindicou María Lejárraga nas súas Cartas ás mulleres de España: “O esencial é que teñades un lugar voso”. Foi o primeiro espazo cultural, social e tamén laico para as mulleres. Isto fixo que, como veremos nalgúns dos textos, fóra moi criticado ao principio.

 Christina Linares, comisaria da XI edición do Día das Escritoras.

 

Mostramos na biblioteca o cartel do día das escritoras e unha selección de textos de autoras galegas de varías épocas.

 

 

 

Premio Nobel 2026

 

Premio Nobel de literatura 2026: Anne Carson

 

Recollemos no taboleiro da biblioteca varios artigos sobre o novo premio Nobel de literatura.

Anne Carson combina a tradición clásica greco-latina con unha obra audaz e inventiva que creou novas formas para a literatura contemporánea

Sentímola cerca porque publicou un diario poético sobre a súa peregrinaxe a Fisterra (A Coruña), traducido ó gallego por Chan da Pólvora.

Carson é autora do ensayo 'Tipos de agua. O Camino de Santiago', no que relata a modo de diario poético a súa experiencia como peregrina entre Saint Jean Pied de Port (Francia) e Fisterra (A Coruña).

 

 

 

Charla Programa Corresponsables Concello de Cervo

 🟣 Educando en igualdade, construíndo relacións saudables! 🤝

O pasado venres, 9 de outubro, o alumnado de 3º da ESO participou, na hora de titoría, nun obradoiro do Programa Corresponsables do Concello de Cervo, enmarcado no proxecto «Comunidade consciente: igualdade, masculinidade e corresponsabilidade».

💬 A través de dinámicas participativas e espazos de reflexión, abordáronse a construción da identidade na adolescencia, a presión social e a influencia das redes sociais nos modelos de masculinidade.

💜 Unha oportunidade para fomentar o autocoñecemento, a empatía, a xestión emocional e a corresponsabilidade, promovendo relacións máis igualitarias, saudables e respectuosas.

Porque educar en igualdade é construír unha comunidade máis consciente e cohesionada! 🌱

Unha achega á inclusión e á diversidade

O pasado mércores 30 de setembro, o alumnado de 3º da ESO participou na biblioteca do centro nunha charla impartida pola Asociación Down Lugo, nun encontro pensado para achegar ao alumnado á realidade das persoas con síndrome de Down e favorecer a reflexión sobre a diversidade.

Ao longo da sesión abordáronse cuestións relacionadas coa inclusión, a igualdade de oportunidades, a autonomía persoal e a participación na sociedade, ofrecendo ao alumnado a oportunidade de coñecer diferentes experiencias e de compartir dúbidas e reflexións nun ambiente próximo e participativo.

A charla permitiu poñer en valor a importancia de coñecer e respectar as diferenzas individuais, así como de identificar e superar os prexuízos e as barreiras que poden dificultar a plena participación de todas as persoas na sociedade.

Unha actividade para aprender, reflexionar e seguir construíndo espazos educativos baseados no respecto, na convivencia e na inclusión.

Aberto por vacacións

Chega o verán e tamén máis tempo para descubrir novas historias, aprender e deixar voar a túa mente.

O Equipo de Biblioteca anima a todo o alumnado a aproveitar as vacacións de verán para gozar da lectura.

Para iso, poderedes levar libros en préstamo da biblioteca do nos instituto e desfrutar deles durante os meses de descanso. Hai propostas para todos os gustos: novelas, cómics, aventuras, misterio, ciencia ficción, divulgación e moito máis.

Ler  no verán é unha excelente maneira de relaxarse, viaxar sen saír do sitio e vivir mil aventuras a través das páxinas dun libro. Ademais é unha oportunidade perfecta para desconectar un pouco das pantallas e conectar coa imaxinación.

Achégate á biblioteca e escolle a túa próxima lectura antes de comezar as vacacións!

Charla Garda Civil Alcohol e drogas

 O alumnado de 4º da ESO e 1º de bacharelato participou nunha charla da Garda Civil sobre prevención do consumo de drogas e alcohol.

Un encontro para falar claro, resolver dúbidas e reflexionar sobre os riscos, as presións sociais e as consecuencias que poden ter determinadas decisións.

Porque informarse tamén é aprender a coidarse. E ás veces, unha conversa pode facer pensar máis do que imaxinamos.

Actividade enmarcada dentro do Plan Director para a convivencia e mellora da seguridade nos centros educativos.

O PRACER DE LER, de Andrea Maceiras

Desde o equipo de Biblioteca e o EDLG do IES Marqués de Sargadelos queremos recomendar unha lectura moi especial: O pracer de ler, da escritora galega Andrea Maceiras.

Andrea Maceiras é unha das voces máis destacadas da literatura xuvenil galega actual. Nas súas obras aborda temas moi próximos á adolescencia, como a identidade, as emocións, as relacións persoais ou a importancia de atopar o propio lugar no mundo. En O pracer de ler, a autora reflexiona sobre o valor da lectura e sobre como os libros poden axudarnos a comprender mellor a realidade, acompañarnos nos momentos difíciles e abrirnos novas maneiras de pensar e sentir.

Trátase dunha lectura amena, sensible e moi próxima ao alumnado da ESO, ideal para descubrir que ler no é só unha actividade escolar, senón tamén unha fonte de emoción, aventura e crecemento persoal.

Un libro moi recomendable para seguir fomentando o gusto pola lectura en galego.

Traballo de Lingua Galega

Os soños cobran vida na biblioteca!

Esta semana a nosa biblioteca encheuse de creatividade,  grazas ao alumnado de 4º, que presentou os seus traballos arredor da obra Os soños na gaiola, unha das lecturas máis emblemáticas da literatura galega.

Dentro da materia de Lingua Galega, os rapaces e rapazas achegáronse ao universo poético de Manuel María. Os traballos presentados amosan non só a comprensión da obra, senón tamén a capacidade do alumnado para interpretar os poemas, expresar emocións e reflexionar sobre temas como a liberdade, a infancia, a natureza ou a identidade galega.

Desde a biblioteca queremos felicitar ao alumnado polo seu esforzo, así como agradecer ao departamento de Lingua Galega a súa implicación na promoción da lectura e da literatura galega entre os máis novos.

 

Charla educación afectivo-sexual FAPACEL

A educación afectivo-sexual foi a protagonista das charlas desenvolvidas o luns 18 de maio para o alumnado de 1º e 2º da ESO, nunha actividade organizada pola ANPA do IES Marqués de Sargadelos, e ofertada por FAPACEL.

As sesións foron impartidas pola matrona Sonia, quen abordou cuestións relacionadas coa afectividade, o respecto, a igualdade, a diversidade e as relacións saudables, promovendo a reflexión e o diálogo entre o alumnado. 

Este tipo de iniciativas contribúen ao desenvolvemento persoal e emocional da mocidade e favorecen unha convivencia baseada no respecto e na educación en valores.

A educación afectivo-sexual constitúe unha ferramenta fundamental para fomentar relacións responsables, libres de violencia e construídas desde a empatía e o bo trato.