Onte os compañeiros do centro educativo IES Illa de Sarón achegáronse ao centro para informar ao alumnado de 4º de ESO e de FPBásica do funcionamento do Ciclo formativo de Grao medio de Sistemas microinformáticos e redes.
Durante a charla explicóuselles a organización e materias dos dous cursos e varios alumnos mostráronse interesados en cursar este ciclo cando rematen os seus estudos.
O pasado venres o profesorado de Hostelería do IES de Foz achegouse ao noso centro para informar o alumnado de 4º da ESO da oferta educativa que se imparte no seu centro.
- Servizos Administrativos.
- Cociña e Restauración
- Cociña e Gastronomía.
- Servizos de Restauración.
Despois tiveron a oportunidade de desfrutar na "food truck" de cafés, batidos, tartas e galletas que elabora o propio alumnado no ciclo.
O pasado venres achegouse ata o noso centro profesorado do IES Perdouro de Ciclos Formativos para impartir unha charla ao alumnado de 4º de ESO.
Recibiron información sobre os diferentes ciclos que oferta ese centro:
- Ciclo Básico de Fabricación e Montaxe.
- Ciclo Básico de Servizos Administrativos.
-Instalación de Telecomunicacións.
- Mecanizado.
-Peiteado e Cosmética Capilar.
- Xestión Administrativa.
Onte tivemos a sorte de contar con Ricardo Riguera Vega no noso IES. Este profesor da USC veu falarlle ao alumnado de Ciclo Superior de Química Industria da conexión entre a Química e a vida cotiá de todos nós, con exemplos de produtos naturais, fármacos, plásticos e outros compostos que empregamos todos os días. Tamén se mostraron exemplos comúns dos procesos baseados na biotecnoloxía, a ecoloxía e as nanociencias.
O pasado xoves 19 de xaneiro a profesora da USC Almudena Hospido Quintana realizou unha conferencia telemática sobre as pegadas ambientais da actividade industrial para o alumnado de 1º e 2º de Ciclos Formativos de Química Industrial.
Tratáronse temas como que a pegada de carbono mide as emisións totais de gases de efecto invernadoiro ao longo do ciclo de vida dun produto, expresadas en unidades de CO2 equivalente. A pegada hídrica mide os posibles impactos ambientais relacionados co uso da auga. A través dun caso de estudo realizado en colaboración cunha conserveira galega, presentáronse ambos os indicadores e o seus respectivos procedementos de cálculo e normas ISO que os regulan. Ademais visibilizaron a vinculación de ambas as pegadas e a súa implicación na toma de decisións relativa á escolla da localización máis axeitada para proxectos de forestación (como exemplo de acción de mitigación dos efectos do cambio climático).
Deixámosvos algunhas fotos do momento.
