Charla "Atranco nun banco" Núñez Singala

Manuel Núñez Singala mantivo un encontro co alumnado de 1º de ESO con motivo da lectura do seu libro “Atranco nun banco”. Na sesión participaron os dous grupos.

Encontro con Antía Yáñez

O pasado luns 13 de maio o alumnado de 1º de BAC recibiu a visita da escritora Antía Yáñez para falar da súa obra Senlleiras. Obra coa que gañou o Premio Illa Nova de Narrativa en 2018.

O alumnado tomou conta do proceso de elaboración da obra, coñecendo detalles como a ubicación de edificios e das pasaxes máis importantes do libro. 

Encontro literario con Andrea Maceiras

O pasado 5 de febreiro os alumnos e alumnas de 1º de ESO tiveron un encontro con Andrea Maceiras que veu falarlles da súa obra Conta nove estrelas. Obra pola que recibiu os seguintes premios:

Premio Lazarillo 2018

Premio Frei Martín Sarmiento 2020

O alumnado aproveitou para realizar unha morea de preguntas sobre a obra e tamén sobre o oficio de escritora.

Deixámosvos por aquí algunhas fotos do encontro cunha das escritoras máis lidas da literatura galega actual.

Encontro co ilustrador e debuxante Cristian F. Caruncho

Hoxe tivemos a sorte de encontrarnos con Cristian F.Caruncho, ilustrador do libro Saínza, a punkiereteira. Un traballo realizado xunto á escritora María Canosa.

O alumnado de 2º ESO coñeceu o proceso de elaboración deste libro da man do propio debuxante, como se iniciou a idea para a creación e as ferramentas que utiliza.

CONFERENCIA DE XURXO MARIÑO. A PROPÓSITO DO SEU LIBRO: "Unha mente que voa. Unha mirada á evolución da linguaxe."

Agora mesmo, ao ler estas liñas, estás a utilizar a habilidade máis sorprendente e extraordinaria da túa mente: a linguaxe, unha ferramenta única que usamos os humanos modernos para elaborar o pensamento e para comunicar todo tipo de ideas dunha mente a outra. É algo que nos diferencia de todos os demais seres vivos coñecidos. Ningún outro animal posúe algo remotamente similar, xa que no seu caso manexan sistemas de comunicación que carecen do simbolismo e a sintaxe propios da linguaxe. Como xurdiu está capacidade única dos humanos? A evolución da linguaxe é un dos problemas máis fascinantes da ciencia actual. Este atractivo libro do neurocientífico e divulgador Xurxo Mariño é unha aventura de misterio na que pouco a pouco van aparecendo pistas sobre o desenvolvemento da nosa capacidade lingüística, tanto a medida que remexemos na evolución biolóxica e cultural do xénero Homo, como tamén observando os cambios que se producen durante os primeiros anos de vida das nenas e nenos.