Charlas PLAN DIRECTOR: Adiccións e Sexting

Este luns 12 de xuño tivemos a sorte de contar unha vez máis con Ramón Peña da Comandancia da Garda Civil de Lugo que veu impartir unhas charlas ao alumnado do noso centro dentro do Plan Director.

O alumnado de 3° e 4° de ESO recibiu formación sobre as adiccións con substancia. Falaron sobre drogas socialmente aceptadas como o alcol e tabaco e os efectos nocivos que producen no noso corpo mais tamén tiveron tempo para falar doutras substancias nocivas.

.

 

Posteriormente o alumnado de 2° de ESO tivo unha charla sobre a difusión de contidos de natureza sexual por medio de teléfonos móbiles ou redes sociais o que popularmente se coñece mediante o anglicismo "sexting".

 

Mediante este encontro preténdese sensibilizar e orientar sobre comportamento que poden derivar en accións delictivas.

Tamén é importante facilitarlles ferramentas para evitar converterse en vítimas e por último, inculcarlles a necesidade de comunicar ou solicitar axuda se fose necesario

Charla CUALE

Hoxe achegáronse ata o centro os profesores Bernardo Penabade e Vanesa Vila Verde para falar co alumnado de 4º de ESO e de 1º de BAC do programa CUALE de portugués, unha formación complementaria en portugués do alumnado como preparación para as probas de certificación dos niveis das ensinanzas especializadas de idiomas.

P

 

Recomendacións literarias para o verán

Desde a biblioteca do IES Marqués de Sargadelos realizamos as seguintes recomendacións de lecturas para este verán. 

Visitade a pequena exposición que hai á entrada da biblioteca e pasade o verán lendo e desfrutando de novas historias.

Traballos libro de lectura "El extraño caso de Dr. Jekyll y Mr, Hyde"

O alumnado de 2º de ESO realizou estes traballos sobre o libro de lectura El extraño caso de Dr. Jekyll y Mr, Hyde que están expostos na biblioteca do centro.

Deixámosvos por aquí algunhas fotos!

Viaxe polo clima da Terra

O luns 22 o alumnado de 4º de ESO e 1º de BAC recibiu a visita de Armand Hernández, profesor na Universidade da Coruña e investigador sobre paleoclimatoloxía e cambio global.

Baixo o nome "Viaxe a través da historia da Terra: coñecer o pasado para entender o presente" o conferenciante explicou os mecanismos necesarios para estudar o cambio climático e realizou un repaso da historia da Terra dun xeito moi dinámico.

O Sexismo na comunicación

 

O pasado martes tivemos a sorte de contar no centro coa Decana da Facultade de Comunicación da Universidade de Vigo (Campus de Pontevedra). Emma Tore-Romany impartiu unha charla sobre " O Sexismo na Comunicación publicitaria e audiovisual".

A través de diversos anuncios publicitarios fíxose un pequeno resumo do papel da muller ao longo da historia do audiovisual. De exemplos máis explícitos chegamos a un momento onde é case imperceptible pasa o/a espectador/a percibir o sexismo baseado principalmente en roles de xénero e estereotipos que tamén afecta á imaxe masculina.

Charla Ciclo Hostelería do IES de Foz

O pasado venres o profesorado de Hostelería do IES de Foz achegouse ao noso centro para informar o alumnado de 4º da ESO da oferta educativa que se imparte no seu centro.

• Ciclos Profesionais Básicos:

        - Servizos Administrativos.

        - Cociña e Restauración
 

• Ciclos Profesionais Grao Medio:

        - Cociña e Gastronomía.

        - Servizos de Restauración.

• Ciclo Profesional de Grao Superior:

        - Dirección de Cociña

Despois tiveron a oportunidade de desfrutar na "food truck" de cafés, batidos, tartas e galletas que elabora o propio alumnado no ciclo.

Charla Ciclos Formativos IES Perdouro

 O pasado venres achegouse ata o noso centro profesorado do IES Perdouro de Ciclos Formativos para impartir unha charla ao alumnado de 4º de ESO.

Recibiron información sobre os diferentes ciclos que oferta ese centro:

• Ciclos Básicos:

    - Ciclo Básico de Fabricación e Montaxe.

    - Ciclo Básico de Servizos Administrativos.
 

• Ciclo Profesional de Grao Medio:

    -Instalación de Telecomunicacións.

    - Mecanizado.

    -Peiteado e Cosmética Capilar.

    - Xestión Administrativa.