Na biblioteca, agochado trala columna vermella, queda nos@ amig@ . Lendo en silencio, gozando do seu libro preferido, terrorííiiiiiificooooo. A próxima semana descubriremos cal é ese libro secreto; de toda a biblioteca o escollido; pola nosa amiga, polo noso amigo. A quen o acerte, premiarémolo.
Lemos unha especie de manifesto que nos fai pensar sobre a importancia da nosa biblioteca, o seu valor e o que nos aporta día a día.
Coñecémola máis de cerca, as súas seccións, documentos variados, espazos, actividades, expositores, taboleiros de noticias. Aproveitamos para realizar unha sesión de formación de usuarios.
Unha vez realizado este exercicio de reflexión, practicamos hoxe aquí unha actividade que habitualmente realizamos na aula: traballamos a descrición a partir da observación do espazo no que estamos.
Tarefa realizada polo alumnado de 1º de ESO na materia de Lingua galega.
Unhas imaxes.
Mañá, os boletíns de notas irán acompañados dunha guía de lectura para o verán. Non é necesario lembrar as bondades da lectura a estas alturas.
Os alumnos e alumnas de Lingua galega de 1º de ESO, tras ler os libros recomendados na materia, elaboraron os correspondentes pasaportes lectores nos que expresan as suxestións, sensacións e opinións provocadas polas lecturas, polos libros, polos escritores e escritoras. Relatos, debuxos, opinións, impresións, pasaxes, vidas reais e fantasías. Todo recollido nestes pasaportes lectores que se expoñen estes días na biblioteca para compartir cos lectores e visitantes da mesma.
Entre as nubes,
seguen a nacer
os versos que ti sementaches.
A túa palabra será eterna,
onde queira que esta.
Ficamos orfos,
dos poemas non escritos.
Só me queda lerche pasaxes
nas tardes en que as nubes,
encapotan ese falso ceo.
