BIBLIESMARQUÉS

17/10/23

Charla orientación laboral

Hoxe o alumnado de FPBásica e 4° de ESO recibiu unha charla sobre orientación laboral impartida por Natalia González Piñeiro.
Durante esta primeira sesión foron informados/as sobre os tipos de Curriculum Vitae, o que é a Marca persoal, os erros nun CV e finalmente realizaron unha actividade grupal.

6/10/23

Premio Nobel de Literatura 2023

O autor noruego Jon Fosse resultou o gañador do Premio Nobel de Literatura do ano 2023. Elaboramos un pequeno panel con información sobre a súa traxectoria e destacamos un fragmento dunha obra súa para dar a coñecer o seu estilo literario.

3/10/23

Novidades editoriais

No expositor da entrada colocamos algunhas novidades editoriais. Animádevos a coñecelas e levade algunha en préstamo!

27/9/23

Premio Nacional de Poesía

Expoñemos a noticia publicada en prensa da última galardonada co Premio Nacional de Poesía, a poeta galega Yolanda Castaño. Acompañamos o taboleiro dalgún libro publicado pola autora.

23/9/23

Equinoccio de Outono

Celebramos a entrada do Outono coa biblioteca así de engalanada.

20/9/23

Novos carnés da biblioteca 1º ESO B

Hoxe tocoulle o turno de visitar a biblioteca ao alumnado de 1º de ESO B na hora de titoría. Xa teñen os carnes de novos e novas socias.

Deixámosvos algunhas fotos.

18/9/23

Horario e Normas de uso 2023/2024

Expoñemos na entrada o horario e normas do presente curso 2023/2024.

17/9/23

Novos carnés da Biblioteca 1º ESO A

Hoxe na hora de titoría o alumnado de 1º ESO A coñeceu de cerca a nosa biblioteca. Alí explicámoslles o funcionamento da biblioteca co seu horario de atención e normas de uso, amosámoslles material do que dispoñemos, as tarefas que se poden realizar e cando e como se fan os préstamos e as devolucións.

Aproveitamos esta ocasión para describir máis detalladamente a clasificación do material e a organización atendendo á CDU. Ademais, fixemos unha actividade de búsqueda de títulos para que se familiarizaran mellor con este sistema. Ao final entregámoslles os carnés de socios e socias.

13/6/23

Charlas PLAN DIRECTOR: Adiccións e Sexting

Este luns 12 de xuño tivemos a sorte de contar unha vez máis con Ramón Peña da Comandancia da Garda Civil de Lugo que veu impartir unhas charlas ao alumnado do noso centro dentro do Plan Director.

O alumnado de 3° e 4° de ESO recibiu formación sobre as adiccións con substancia. Falaron sobre drogas socialmente aceptadas como o alcol e tabaco e os efectos nocivos que producen no noso corpo mais tamén tiveron tempo para falar doutras substancias nocivas.

Posteriormente o alumnado de 2° de ESO tivo unha charla sobre a difusión de contidos de natureza sexual por medio de teléfonos móbiles ou redes sociais o que popularmente se coñece mediante o anglicismo "sexting".

Mediante este encontro preténdese sensibilizar e orientar sobre comportamento que poden derivar en accións delictivas.

Tamén é importante facilitarlles ferramentas para evitar converterse en vítimas e por último, inculcarlles a necesidade de comunicar ou solicitar axuda se fose necesario

6/6/23

Charla CUALE

Hoxe achegáronse ata o centro os profesores Bernardo Penabade e Vanesa Vila Verde para falar co alumnado de 4º de ESO e de 1º de BAC do programa CUALE de portugués, unha formación complementaria en portugués do alumnado como preparación para as probas de certificación dos niveis das ensinanzas especializadas de idiomas.