Caligramas Día de Rosalía

 

O alumnado de 3º de ESO elaborou caligramas na materia de Educación Plástica e Visual para celebrar o Día de Rosalía 2023. Os traballos están expostos na Biblioteca do centro.

A bibliotexa tamén celebra o Día de Rosalía

A biblioteca do centro ten un espazo para conmemorar o Día de Rosalía 2023!

 

Charla de ciberseguridade

Hoxe o alumnado de 3º e 4º da ESO recibiu a visita do Equipo de Plan Director da Garda Civil de Lugo para profundizar no tema da Ciberseguridade e os problemas e delitos relacionados, como a suplantación de identidade, a difusión de datos persoais e estafas. Tamén trataron dun xeito práctico a configuración adecuada de terminais móbiles e contas de usuario de redes sociais (Instagram, TikTok e de servizos como Google), incidindo sobre todo no uso da dobre autenticación, a seguridad das credenciais de acceso e da identificación por Token, así como o perigoo da súa cesión.

 

Charla sexualidade QUÉROTE +

 O pasao mércores achegáronse do centro Quérote + para realizar unha charla de sexualidade ao alumnado de 3º da ESO e FPBásica.

                            

Charla ABAU/USC

O alumnado de 2º de Bacharelato recibiu unha charla sobre as probas ABAU e o acceso á universidade. Agradecementos ao persoal da USC por este traballo que realizan cada ano.

Charla "Que ten que ver a química con nós?

Onte tivemos a sorte de contar con Ricardo Riguera Vega no noso IES. Este profesor da USC veu falarlle ao alumnado de Ciclo Superior de Química Industria da conexión entre a Química e a vida cotiá de todos nós, con exemplos de produtos naturais, fármacos, plásticos e outros compostos que empregamos todos os días. Tamén se mostraron exemplos comúns dos procesos baseados na biotecnoloxía, a ecoloxía e as nanociencias.  

 

Concurso de Oratoria IES Marqués de Sargadelos

Despois da celebración do concurso o pasado martes 17 de xaneiro, o xoves 19 entregáronse os premios ás gañadoras de ambas as categorías:

Blanca Zan F., alumna de 2º de Bacharelato e Clara Paz M., alumna de 2º de ESO.

Entregáronse tamén uns agasallos a todo o alumnado participante así como a dúas alumnas que formaron parte do xurado.

 

Charla "Todo está conectado: as pegadas ambientais da actividade industrial"

O pasado xoves 19 de xaneiro a profesora da USC Almudena Hospido Quintana realizou unha conferencia telemática sobre as pegadas ambientais da actividade industrial para o alumnado de 1º e 2º de Ciclos Formativos de Química Industrial.

Tratáronse temas como que a pegada de carbono mide as emisións totais de gases de efecto invernadoiro ao longo do ciclo de vida dun produto, expresadas en unidades de CO2 equivalente. A pegada hídrica mide os posibles impactos ambientais relacionados co uso da auga. A través dun caso de estudo realizado en colaboración cunha conserveira galega, presentáronse ambos os indicadores e o seus respectivos procedementos de cálculo e normas ISO que os regulan. Ademais visibilizaron a vinculación de ambas as pegadas e a súa implicación na toma de decisións relativa á escolla da localización máis axeitada para proxectos de forestación (como exemplo de acción de mitigación dos efectos do cambio climático).

Deixámosvos algunhas fotos do momento.

 

Encontro literario con Antía Yáñez

O mércores 21 de decembro o alumnado de 1º de ESO e 1º de BAC tivo un encontro coa escritora burelá Antía Yáñez.Os rapaces e rapazas puideron coñecer máis de cerca detalles dos libros O misterio do torque de Burela e Senlleiras.

                     

Gañadores do Concurso de tarxetas de Nadal 2022

Hoxe celebrouse na Biblioteca do centro durante o segundo recreo a entrega de premios do Concurso de tarxetas de Nadal.

 

O 3º premio foi para Jairo Neira Lozano de 1º da ESO:

 

 

O 2º premio foi para Urbano Mon Pampín de 4º da ESO: 

 

E o 1º premio para Keith Izquierdo Otero de 4º da ESO:

 

 

Moitas grazas ao alumnado participante.