Entrega de premios ás gañadoras do concurso de postais de Nadal.
Concedéronse tres premios e tres accésits. Parabéns a todas!
1º premio: Antía Fernández Martínez (4º ESO)
Accésits: Ruth Carpintero Báñez (3º ESO); Ángela Jiang (3º ESO) e Noa Jordá Dos Santos (4º ESO)
A Federación de Comercio da Mariña achegouse ao centro para falar do futuro laboral da Mariña con todo o alumnado de Formación profesional.
O pasado 12 de decembro recibimos a visita de Andrea González Río, emprendedora mariñá, que veu falarnos da súa experiencia dentro das charlas que se desenvolveron grazas ao programa Aulas de Emprendemento.
Presentamos a decoración navideña da biblioteca para desexar un feliz 2025 acompañado de moita lectura. Así, animamos aos visitantes a que boten unha ollada a algúns dos novos títulos adquiridos recentemente.
O alumnado de 2° de BAC recibiu a visita de Javier González, profesor da USC que veu impartir unha charla sobre as Probas PAU (on moitas novidades este ano) e tamén lles proporcionou información sobre o acceso á universidade.
Agradecemos, un ano máis a súa visita para resolver as dúbidas do alumnado.
Con motivo da conmemoración do 25 N, Día da Eliminación da Violencia contra a Muller o alumnado de Oratoria de 3º de ESO realizou unha representación na Biblioteca do centro baseada na obra Invisible de Aizpea Goenaga.
O contexto é o seguinte: unha muller acaba de ser maltratada fisicamente polo seu marido. Na obra interveñen varias voces como a nai que insiste en que volva coa parella ou unha amiga, que lle dá ánimos para que continúe coa denuncia.
Deixámosvos aquí a obra completa:
Obradoiros realizados o pasado trimestre por @pildorasdigitales.espara a formación de Aulas de Emprendemento.
"A torre máis alta do mundo", "A Jenga", " Dinámicas para traballar a persistencia, a frustración e a actitude" e por último un "Escape Room de habilidades".
O alumnado traballou habilidades como a empatía, o traballo en equipo, a capacidade de reacción, a priorización de criterios etc.
Un estereotipo de xénero é unha visión xeneralizada ou unha idea preconcibida sobre os atributos ou as características, ou os papeis que posúen ou deberían posuír ou desempeñar as mulleres ou os homes.
Ante a necesidade de abordar unha educación sen estereotipos de xénero, a Dirección Xeral de Ordenación e Innovación Educativa da Consellería de Cultura, Educación, Formación Profesional e Universidades e a Dirección Xeral de Relacións Laborais da Consellería de Promoción do Emprego e Igualdade da Xunta de Galicia crearon o programa formativo "Que non te líen, ti elixes" para o alumnado de 4° e 3° de ESO.
Este programa ten como obxectivo principal favorecer a orientación vocacional libre de estereotipos na elección de itinerarios formativos enfocados nos ciclos de FP con menor presenza de mulleres.
Os alumnos e alumnas de Educación Plástica de 4º ESO abordaron esta temática e elaboraron uns carteis valéndose dunha aplicación de fotografía, o resultado son uns impactantes pósters que nos invitan a tomar conciencia desta lacra social que padecemos. Expoñémolos no taboleiro da entrada xunto con algunhas publicacións que tratan sobre diversos temas como, a igualdade, as relacións de parella, o papel da muller noutras épocas, o feminismo ou mulleres destacadas en distintos ámbitos e que serven de referente as xeracións vindeiras.
Hoxe damos a coñecer un artigo do periódico acerca da importancia de visitar os museos e os beneficios que iso reporta ao noso cerebro. Aproveitamos esta ocasión para amosar algúns libros relacionados coa arte e artistas e así fomentar e desenvolver no alumnado o interese e gusto por este campo.
Le o artigo completo aquí. La Voz de Galicia
.jpg)
.jpg)
Os membros do xurado do Premio Cervantes outorgaron o galardón deste ano 2024 ao escritor español Álvaro Pombo. Seleccionamos uns artigos de dous periódicos para dar a coñecer esta noticia e expoñémolos no taboleiro de Novas.
Para ler os artigos completos, pincha nos enlaces.
Presentamos o cartel co que convocamos o concurso de tarxetas navideñas. Animamos a participar todo o alumnado da ESO quen terán que entregar as súas propostas antes do 10 de decembro.
.jpg)
Actividade relacionada co Samaín/Halloween. Ambientamos a nosa biblioteca acorde a estas datas e aproveitamos para expoñer traballos do alumnado de Lingua e Literatura española de 4º ESO sobre as Lendas de Bécquer. Ademais desempoamos algúns títulos suxerentes para reler estes días, por exemplo: Escarlatina, a cociñeira defunta; El fantasma de Canterville ou Dr Jekyll & Mr Hyde. Con este fondo terrorífico damos paso á lectura e interpretación duns microrrelatos en galego e castelán relacionados con esta temática. Agradecemos ao alumnado de Oratoria de 3º ESO o seu esforzo e interese por participar nesta actividade.
