O noso kit de supevivencia para o verán

 

Unha morea de títulos suxerentes que poderemos ler entre chapuzón e chapuzón desfrutando do merecido descanso. Animamos a todos os visitantes a curiosear nese escenario e a seleccionar algunha desas propostas ou outras para relaxarse no verán.

 

Caligramas do alumnado de Lingua e literatura española de 4º ESO

Coa primavera afloran as emocións e, ás veces, fanse máis intensas e, polo tanto, visibles. Algúns alumnos e alumnas de 4º ESO compuxeron uns poéticos caligramas que amosamos no taboleiro.

 

 

Charla Iniciación segura á pegada dixital

Onte visitounos David, da Axencia para a Modernización Tecnolóxica de Galicia (AMTEGA) para realizar co alumnado de 3° da ESO un taller sobre a xestión segura das redes sociais que máis están a utilizar os/as menores.

Nesta dinámica dunha hora e media de duración tratouse de reforzar a competencia básica do alumnado en seguridade na xestión dos seus perfiles nas redes, explicar a identidade dixital e a importancia da pegada dixital. Ademais profundizouse na configuración das opcións de seguridade e privacidade e ofrecéronselles ferramentas e recursos aos que poden acudir cando teñan algunha dúbida sobre o uso seguro da tecnoloxía.

Letras galegas 2025. Cantareiras.

 

Amosamos carteis na entrada e no expositor dentro da biblioteca homenaxeando ás protagonistas desta conmemoración. Adquirimos varios libros relacionados con esta temática que colocamos baixo o cartel para captar a atención dos visitantes. Agradecemos a colaboración do alumnado de Educación plástica de 4º ESO e do departamento de galego.

 

Entrega de premios. III Torneo de xadrez

 

Entrega de premios aos gañadores do campionato de xadrez e un pequeno agasallo a todos os participantes. Amosamos imaxes de distintos días do torneo, así como do día da entrega de premios.

Agradecemos a todos a súa participación e os nosos parabéns aos gañadores:

1º premio- Enzo Juárez Expósito

2º premio- Iker Teixeira Amate

3º premio- Carlos Burgos Ocaña

4º premio- Víctor M. García Rodríguez