Para conmemorar este día preparamos unha exposición cunha selección de viñetas de autores ben coñecidos como Forges, Davila, Quino ou Xaquín Marín que, dun xeito irónico e cómico, aluden á importancia da lectura. Ademáis, o alumnado de Plástica de varios cursos elaborou uns carteis utilizando a mesma técnica de viñetas para abordar esta temática: os beneficios da lectura. Amosamos algunhas imaxes.
O xoves 4 de abril o alumnado de 3° de ESO e 1° de FPBásica recibiu unha das charlas concedidas dentro do Plan Director que leva o nome de “Adiccións con substancia".
A charla foi impartida por Ramón Pena da Comandancia da Garda Civil de Lugo que, de novo, se achegou ao noso centro para tocar o tema das drogas socialmente aceptadas como o tabaco e alcol e os efectos nocivos que producen no noso corpo mais tamén tiveron tempo para falar doutras substancias nocivas.
Nos grupos de 1º e 2º ESO de Lingua e Literatura Galega tratáronse as seguintes lecturas: Perigo vexetal, Leonel e Chamádeme Simbad. Posteriormente os estudantes tiveron que realizar uns proxectos en relación con estas lecturas. Velaiquí os resultados.
A semana pasada o alumnado de 1° e 2° de BAC participou na actividade GenTech-DigiTalent. Esta actividade está centrada na presentación de proxectos de base tecnolóxica que permite coñecer as opcións profesionais e a realidade do sector TIC.
O seu obxectivo principal é fomentar o atractivo vocacional cara ás carreiras profesionais STEM (Ciencia, Tecnoloxía, Enxeñería e Matemáticas) e achegar aos centros as oportunidades laborais no sector tecnolóxico.
A semana pasada o alumnado de 3° e 4° de ESO participou nunha charla sobre "Formación, investigación e desenvolvemento multidisciplinar. Un exemplo: TICs e Medio Ambiente".
O doutor Javier Andrade do departamento de Ciencias da Computación e Tecnoloxías da Información da Facultade de Informática e a doutora María Piñeiro Iglesias que forma parte do Instituto Universitario de Medio Ambiente, realizaron en primeiro lugar, unha pequena presentación dos centros relacionados co tema da charla e despois adentráronse no problema da contaminación atmosférica.
O obxectivo é plantexar como as TICs se poden empregar tanto para a vixilancia ambiental como para a "eco-actuación", e para iso, mostraron exemplos de hardware e software que dan soporte a actividades medioambientais.
Tamén presentaron proxectos TIC que desenvolven de forma conxunta desde os dous centros e falaron sobre a formación necesaria para participar nestes proxectos.
Este xoves 4 de abril comezamos as partidas do torneo de xadrez. O campionato celébrase durante os recreos do xoves e venres e nalgúns recreos das dúas próximas semanas. Os doce participantes anotados están divididos en dous grupos. Nunha primeira fase compiten con todos os seus compañeiros dese grupo (5 rondas) e máis tarde haberá dúas semifinais cos xogadores que obtiveran maior puntuación para finalmente chegar á partida final entre os dous mellor clasificados. Amosamos algunhas imaxes da competición.
O 22 de marzo visitou noso centro a profesora da Universidade de Vigo Marta Teijeira Bautista que veu falarlle ao alumnado sobre a submisión química.
Mostróuselles o que lle ocorre ao noso corpo cando inxerimos unha substancia psicoactiva e as consecuencias que ten para a nosa integridade e benestar.
Estas substancias alteran o funcionento normal do cerebro e interfiren na regulación de emocións, pensamentos, percepcións e condutas e poden ser utilizadas con finalidades delitivas para someter a unha persoa á vontade doutra.
Adiantámonos unha semana e dámoslle a benvida á Primavera 2024 cunha composición que amosamos no expositor da entrada. Nesta alegre montaxe incluímos o lema “ler para florecer” que aparece representado cun campo onde florecen as herbas e flores que xurden da terra abonada con moitas lecturas. Alumnos e alumnas voluntarios de distintos cursos contribuíron cos seus debuxos a esta exposición.
Aproveitamos a ocasión para amosar algún materiais adquiridos estes días.
Dentro das charlas do Programa A Ponte da USC visitáronnos tamén o pasado mes, María Esther Oliveira Oliveira e María González Blanco profesoras do Departamento de Pedagoxía e Didáctica da Facultade de Ciencias da Educación de Santiago de Compostela.
Nesta ocasión, o alumnado de 2° de BAC recibiron información sobre as actividades profesionais que os graduados en Pedagoxía, Educación Social e titulados de Mestre poden desenvolver.
Amosamos traballos de alumnado de Educación Plástica con motivo do día da muller: o cartel conmemorativo do 8 de marzo elaborado por un grupo de alumnas de 4º ESO e unha serie de caligramas realizados no grupo de 3º ESO con diversos lemas alusivos a esta temática.
